INYIGISHO Y’ICYUMWERU CYA 12 GISANZWE, UMWAKA B, TARIKI YA 23 KAMENA 2024

 Amasomo matagatifu tuzirikana:

Isomo rya rya mbere: Yb 38, 1.8-11

Zab 107 (106)

Isomo rya kabiri: 2Co 5, 14-17

Ivanjili: Mk 4,35-41

«Urukundo rwa Kristu ruraduhihibikanya. » (2Kor 5,14)

Tugeze ku cyumweru cya 12 gisanzwe cy’umwaka wa kiliziya, icyumweru kibanziriza umunsi mukuru w’ivuka rya Yohani Batisita, tuzahimbaza ejo kuwa mbere. Yohani Batisita yabaye integuza n’umuhamya wa Yezu Kristu. Kuri iki cymweru, amasomo matagatifu araduhamagarira gukomeza kwizera Yezu, ari mu byiza, mu makuba ndetse no mu byago,….tuzirikana ko Kristu ahorana natwe. Yezu ndakwizera!

Mu isomo rya mbere, twumvise uko Imana isubiza Yobu, imukomeza, imusaba kuyiringira kuko ariyo ibeshejeho ibiriho byose kandi ikabikomeza. “Uhoraho asubiriza Yobu mu nkubi y’umuyaga, agira ati: Ni nde wafatishije inyanja inkombe ebyiri, igihe yapfupfunukaga mu nda y’isi; maze nkayisesuraho ibicu, nkayikindikiza ibihu bibuditse? Nayishingiye urubibi, nyitangiriza inkombe n’ibigomezo, ndavuga nti ’Uzagarukira hano, ntuzaharenga; aha ni ho ingufu z’imivumba yawe zizacogorera.”

Aya magambo Uhoraho yayabwiye Yobu, ubwo Yobu yari amaze kugubwaho n’ibyago byinshi (uburwayi bw’ibibembe, imitungo yamushizeho, abantu bamushizeho,…) nyuma y’ibihe byiza yagize by’uburumbuke, amahoro n’umunezero. Ibi byago byateye Yobu kwiheba, maze niko gutera hejuru ati: “Ninde uzansubiza imibereho nk’iyo nahoranye mbere, igihe Imana yandindaga” (Yb 29,2). Uhoraho yamusubije kuriya amuhumuriza,  amusubiza icyizere cy’ubuzima, kuko nk’uko biriya byose byaremwe biri mu biganza by’Imana; Yobu na we ari muri ibyo biremwa kandi nawe ari mu biganza by’Uhoraho. Uko rero yaba afite ibyago kose, Yobu ari mu biganza by’Imana, ntacyo azaba, Imana izakomeza kumurinda. Yobu yarabyumvise yisubiraho aremera. Yobu bisobanura Uwisubiraho. Ese uyu umunsi njye iyo mpuye n’ibibazo njye mbyakira nte? Ese ndi muri ba bandi bahita binubira Imana cyangwa ndi muri babandi babyakira bizeye ko Imana insubiza nk’Umukiza? Dusabe Imana iduhe inema yo kwakira ugushaka kwayo mu buzima bwacu.

Akenshi iyo tumeze neza, iyo dutekanye, tuba twumva ari ibintu bizahoraho, ndetse tukifuza ko bigomba guhoraho. Nyamara tugomba kuzirikana ko mu Buzima habamo imihengeri n’imivumba, ibibazo,…. ariko iyi mivumba igahoshwa na Yezu. Mu Ivanjili batubwiye bati: Muri icyo gihe Yezu yiriwe yigisha imbaga y’abantu avugira mu migani, umugoroba ukubye, arababwira ati «Twambuke dufate hakurya. » Nuko basiga rubanda aho, bamujyana muri bwa bwato yahozemo, andi mato aramukurikira. Ni bwo haje umuhengeri mwinshi, maze imivumba irenga ubwato, butangira gusendera. Yezu we yari ku irango asinziriye ku musego. Bamukangura bamubwira bati «Mwigisha, nta cyo bigutwaye ko tugiye gushira? » Nuko arakanguka, akangara umuyaga, abwira inyanja ati «Ceceka! Tuza! » Nuko umuyaga urahosha, maze ituze riba ryose. Hanyuma arababwira ati «Icyabateye ubwo bwoba ni iki? Mbese ntimuragira ukwemera? » Bagira ubwoba bwinshi, barabazanya bati «Uyu yaba ari nde, wumvirwa n’umuyaga n’inyanja? » (Mariko 4, 35-41). Muri iyi Vanjiri, twumvise ukuntu Yezu asubiza amazi mu mwanya wayo, gucubya inyanja.  Nyamara ibi yabikoze nyuma y’uko yari yasinziriye bamaze kumukangura. Mu kumukangura, abigishwa babonaga ko Yezu yabatereranye. Gusinzira kwa Yezu, bitwereka ko yari yizeye ubushobozi bwe, yarazi neza ibyo arakora. Ubwoba bw’abigishwa bisobanura kutemera. Ubwo bari kumwe na Kristu, bagombaga kwizera ko ntacyabakangaranya. Ese twebwe mu bukristu bwacu, iyo duhuye n’Imihengeri mu Buzima dutegereza ubuvunyi bwa Yezu tumwizeye koko? Cyangwa dusaba dusa n’abamwivumburaho, tumubwira ko yakererewe? Urukundo rwa Kristu, rwigaragarije mu rupfu yadupfiriye ku musaraba mu ibabara rye kugira ngo twese dukire. Bityo rero ntashobora kudutererana yaraturemye ndetse akaducungura. Pawulo Mutagatifu Intumwa ati: Urukundo rwa Kristu ruraduhihibikanya, iyo tuzirikanye ukuntu umwe yapfiriye bose, bikaba rero ko bose bapfuye. Kandi koko yapfiriye bose, kugira ngo abariho bataberaho bo ubwabo, ahubwo babereho uwabapfiriye kandi akazukira kubakiza. (2Kor 5,14-15).

Bakristu bavandimwe, kwa kino cyumweru, Yezu tuza guhabwa mu kanya mu kimenyetso cy’umugati, tuze kumusaba aduhe imbaraga tubashe guhora tumukomeyeho kandi tumwizeye, haba mu byishimo, haba mu bibazo,tuzirikane ko aduhora iruhande, maze igihe azagarukira azasange turi maso, maze tuzabane na we mu ngoma y’ijuru ubuziraherezo. Amen

Padiri Donatien NDACYAYISABA

Homélies récentes
Inyigisho ziheruka

• INYIGISHO Y’ICYUMWERU CYA KANE CYA ADIVENTI, UMWAKA C, TARIKI YA 22 UKUBOZA 2024
  2024-12-20 00:00:00 |
• INYIGISHO Y’ICYUMWERU CYA 34 GISANZWE, UMWAKA B, TARIKI YA 24 UGUSHYINGO 2024. UMUNSI MUKURU WA KRISTU UMWAMI W’IBIREMWA BYOSE
  2024-11-23 00:00:00 |
• Inyigisho y’icyumweru cya 33 gisanzwe, umwaka B, tariki ya 17 Ugushyingo 2024
  2024-11-16 00:00:00 |
• INYIGISHO Y’ICYUMWERU CYA 32 GISANZWE, UMWAKA B, TARIKI YA 10/11/2024
  2024-11-09 00:00:00 |
• Inyigisho y’icyumweru cya 31 gisanzwe, umwaka B. Umunsi mukuru w’Abatagatifu bose, tariki ya 03/11/2024.
  2024-11-02 00:00:00 |
• INYIGISHO Y’ICYUMWERU CYA 30 GISANZWE, UMWAKA B, TARIKI YA 27 UKWAKIRA 2024
  2024-10-26 00:00:00 |
• INYIGISHO Y’ICYUMWERU CYA 29 GISANZWE, UMWAKA B, TARIKI YA 20/10/2024. UMUNSI MPUZAMAHANGA W’IYOGEZABUTUMWA
  2024-10-19 00:00:00 |
• INYIGISHO Y’ICYUMWERU CYA 23 GISANZWE, UMWAKA B, TARIKI YA 8 NZERI 2024
  2024-09-07 00:00:00 |
• INYIGISHO Y’ICYUMWERU CYA 18 GISANZWE, UMWAKA B, TARIKI YA 4 KANAMA 2024
  2024-08-03 00:00:00 |
• Inyigisho y’icyumweru cya 14 gisanzwe, Umwaka B, Taliki ya 07 Nyakanga 2024
  2024-07-13 00:00:00 |
• INYIGISHO Y’ICYUMWERU CYA 12 GISANZWE, UMWAKA B, TARIKI YA 23 KAMENA 2024
  2024-06-22 00:00:00 |
• INYIGISHO Y’ICYUMWERU CYA 11 GISANZWE, UMWAKA B, TARIKI YA 16 KAMENA 2024
  2024-06-16 00:00:00 |
• INYIGISHO YO KU MUNSI MUKURU W’UBUTATU BUTAGATIFU, UMWAKA B, TARIKI YA 26/05/2024
  2024-05-25 00:00:00 |
• INYIGISHO YO KU MUNSI MUKURU WA PENTEKOSTI, UMWAKA B, TARIKI YA 19/05/2024
  2024-05-18 00:00:00 |
• INYIGISHO YO KU MUNSI MUKURU W’ISUBIRA MU IJURU RYA NYAGASANI (ASENSIYO), UMWAKA B, TARIKI YA 12 GICURASI 2024
  2024-05-11 00:00:00 |
• Inyigisho y’icyumweru cya gatandatu cya Pasika, umwaka B, tariki ya 05 Gicurasi 2024
  2024-05-04 00:00:00 |
• INYIGISHO Y’ICYUMWERU CYA GATANU CYA PASIKA, UMWAKA B, TARIKI YA 28 MATA 2024
  2024-04-27 00:00:00 |
• INYIGISHO Y’ICYUMWERU CYA GATATU CYA PASIKA, UMWAKA B, TARIKI YA 14 MATA 2024
  2024-04-13 00:00:00 |
• Inyigisho y’icyumweru cya kabiri cya Pasika. Icyumweru cy’impuhwe z’Imana, tariki ya 07 Mata 2024.
  2024-04-06 00:00:00 |
• INYIGISHO Y’UMUNSI MUKURU WA PASIKA, UMWAKA B, TARIKI YA 31 WERURWE 2024
  2024-03-31 00:00:00 |
• Inyigisho y’icyumweru cya Mashami, umwaka B, tariki ya 24 Werurwe 2024
  2024-03-23 00:00:00 |
• Inyigisho y’icyumweru cya 4 cy’igisibo, umwaka B, tariki ya 10 Werurwe 2024
  2024-03-09 00:00:00 |
• Inyigisho y’icyumweru cya gatatu cy’igisibo, umwaka B, tariki ya 03 Werurwe 2024
  2024-03-03 00:00:00 |
• Inyigisho y’icyumweru cya kabiri cy'Igisibo, Umwaka B, tariki ya 25 Gashyantare 2024
  2024-02-24 00:00:00 |
• INYIGISHO Y’ICYUMWERU CYA MBERE CY’IGISIBO, UMWAKA B, TARIKI YA 18 GASHYANTARE 2024
  2024-02-18 00:00:00 |
• Inyigisho y’icyumweru cya gatandatu gisanzwe. umwaka B, tariki ya 11 Gashyantare 2024
  2024-02-10 00:00:00 |
• INYIGISHO Y’ICYUMWERU CYA 5 GISANZWE, UMWAKA B, TARIKI YA 4 GASHYANTARE 2024
  2024-02-03 00:00:00 |
• INYIGISHO YO KU MUNSI MUKURU W’UKWIGARAGAZA KWA NYAGASANI, TARIKI YA 7 MUTARAMA 2024.
  2024-01-06 00:00:00 |
• INYIGISHO Y’ICYUMWERU CYA KABIRI CYA ADIVENTI, UMWAKA B, TARIKI YA 10 UKUBOZA 2023
  2023-12-09 00:00:00 |
• INYIGISHO Y’ICYUMWERU CYA 34 GISANZWE, UMWAKA A. UMUNSI MUKURU WA NYAGASANI YEZU KRISTU, UMWAMI W’IBIREMWA BYOSE, TARIKI YA 26 UGUSHYINGO 2023BYOSE.
  2023-11-25 00:00:00 |